Euskadiko eta Barne Ministerioaren genero-indarkeria espedienteak kudeatzeko sistema ezarriko dugu
Eusko Jaurlaritzaren Segurtasun Sailak aukeratu gaitu genero-indarkeria kudeatzeko Barne Ministerioaren (Viogen) eta Euskadiko (EBA) sistemen arteko interkonexioa ezartzeko.
Proiektuaren helburu nagusia da Ertzaintzaren eta Euskadiko udaltzaingoen eta Barne Ministerioaren arteko lankidetza ahalbidetzea, genero-indarkeriako espedienteetan inplikatutako pertsonei buruzko informazioari dagokionez. Datuen transferentziak salaketak, biktimak, epaiak eta beste xehetasun erabakigarri batzuk bilduko ditu, bi alderdientzat ikuspegi oso eta aberastua ziurtatzeko. Ikuspegi horri esker, aipatutako problematikaren aurrean erantzunak indartu daitezke, biktimei babesa eta laguntza bermatzeko, baita erasotzaileen jazarpena eta neutralizazioa ere.
Interkonexio-ingurune horri esker, informazioa bi norabideetan ibiliko da, eta Ministerioak dituen nazioarteko datuetarako sarbidea ere ahalbidetuko du. Errotiko aldaketa da EBAren hobekuntza-prozesuan, iEuskal Autonomia Erkidegoko genero-indarkeria eta etxeko indarkeria espedienteak kudeatzeko hobekuntzan, alegia. Gainera, agerian jarri du funtsezko zerbitzua dela Ertzaintzarentzat eta Euskadiko udaltzaingoentzat. Aipatutako zerbitzua Bilbomática, an Altia Company enpresak garatu eta abiarazi zuen 2020an.